Gjatë ditës së sotme ish-kryeministri Sali Berisha publikoi disa foto nudo të një ish-polici. Ky i fundit, këto foto ia kishte dërguar një vajze 20-vjeçare të cilën e përndiqte dhe e kërcënonte duke deklaruar se “ishte me shtetin”.
Sipas 20-vjeçares ish-polici Bajram Qarri është mbrojtur edhe nga Policia e Shkodrës. Pas publikimit të fotove ka reaguar edhe PS e Shkodrës, e cila distancohet nga Qarri. Sipas selisë rozë ky i ufndit nuk mban asnjë funksion në PS.
REAGIMI I PS NË SHKODËR:
Të nderuar qytetarë të qytetit të Shkodrës dhe ju anëtarë dhe simpatizantë të Partisë Socialiste!
Nisur nga denoncimi që u bë publik pak më herët në rrjetet sociale, rreth shtetasit B.Q. për kanosje dhe postime të pamjeve të pahijshme ndaj një 20-vjeçareje nga Shkodra, shprehim distancimin tonë të prerë ndaj një fenomeni të tillë të shëmtuar dhe denigrues.
Njëkohësisht dëshirojmë të sqarojmë opinionin publik që shtetasi B.Q. nuk mban asnjë funksion të asnjë niveli në strukturat e Partisë Socialiste Shkodër.
Partia Socialiste Shkodër, distancohet jo vetëm nga ky gjest i shëmtuar, por njëkohësisht edhe nga çdo aludim që qytetarja ngre rreth ndërhyrjes së strukturave apo funksionarëve partiakë në punën e institucioneve shtetërore./a.m.
