Kryedemokrati Sali Berisha doli në një deklaratë për mediat këtë të mërkurë, ku në fokus të fjalës së tij pati bujqësinë.
Kreu i PD-së tha se gjatë këtyre 12 viteve të qeverisjes socialiste bujqësia ka njohur rënie të madhe. Ai ia vendos fajin Ballkanit të Hapur, që sipas kryedemokratit ka falimentuar mijëra ferma ndërsa prodhimi bujqësor dhe blegtoral ka rënë.
Pasi prezantoi 17 pikat që sipas Berishës do të fokusohet programi i PD-së i bazuar në “Made in Albania”, paralajmëron daljen nga Ballkani i Hapur.
“Dalje e menjëhershme nga Ballkani i Hapur që po rrënon prodhimin bujqësor dhe blegtoral shqiptar dhe zbatimi i të gjitha detyrimeve që rrjedhin nga Procesi i Berlinit dhe procesi i integrimit evropian”, tha Berisha.
Sipas tij, zhvillimi rural do të jetë një prioritet tjetër i programit të PD-së.
