Zgjedhjet parlamentare të 11 majit po afrojnë dhe fushata ka hyrë në dy javët e fundit të saj.
Por duket se Partia Demokratike dhe Sali Berisha kanë nisur përgatitjet për dështimin e zgjedhjeve dhe kontestimin e tyre nëse humbasin.
Lakimi i skenarit të humbjes dhe kontestimit të zgjedhjeve u shfaq sot gjatë takimit që Berisha mbajti në konferencën “Global She” me CDI-Women, ku të pranishëm ishin edhe përfaqësues nga politikanët e partive të djathta europiane dhe nga disa vende të tjera të botës, që ai i kishte ftuar.
Ishte pikërisht momenti kur një nga gratë përfaqësuese së LDG-së së PD-së bëri një nga pyetjet teksa e lexonte nëpërmjet telefonit ku e kishte shënuar dhe që dukej si e diktuar.
Ish-eurodeputeti i CU-së, Elmar Brok, u pyet se “nëse në zgjedhjet e majit nuk respektohen standardet demokratike, a do të angazhohej ai personalisht në mbështetje të opozitës shqiptare?”.
Dhe ajo që ra në sy – siç shihet edhe në video – është se pyetja, që në fakt duket si një deklaratë disfate para zgjedhjeve, mori më shumë duartrokitje se ç’kanë marrë deri tani thirrjet entuziaste për fitore të Berishës.
Brooks u përgjigj se do ndërmerrnin masat e duhura nëse do të kishte shkelje të standardeve gjatë zgjedhjeve dhe apeloi që shqiptarët të mos e lejonin PS-në që t’i fitonte zgjedhjet. Të njëjtën përgjigje dha edhe përfaqësuesi tjetër, Antonio Lopez, Isturiz White.
