Ish-kryeministri Sali Berisha ka bërë sërish thirrje për revolucion demokratik siç e cilëson ai për largimin e qeverisë Rama. Në ambjentet e jashtme të Parlamentit ai dha një deklaratë për mediat ku tha se po shqyrtohet çdo opsion, deri edhe dorëzimi i mandatit të tij si deputet.
“Revolucioni demokratik ëhstë rruga e vetme. Të gjitha opsionet janë të hapura. Unë qëndron i hapur për çdo ospiaon në kushtet e këtij parlamenti në shkallën më të lartë të kriminalitetit”, tha Berisha.
Sipas Berishës, mazhoranca aktuale ka kriminalizuar parlamentin si kurrë më parë në histori.
“Edmond Prenga, alias Armando Prenga i cili në dëshirë vendosi të mos paraqitet për ti larë faqen e zezë Edi Ramës. Armandi është vetëm njëri prej tyre. Si Armandi janë një numër shumë i madh deputetësh, të cilët vjedhin pa mëshirë nëpërmjet mandatit pasuritë e shqiptarëve.
Kurrë ndonjëherë nuk besoj në ndonjë vend të botës që ndodh kjo me mazhorancën e qelbësirave. Ku ka një garë të papërmbajtur mes deputetësh për vjedhjen e pasurive”, tha më tej Berisha.
