Robert Francis Prevost është zgjedhur sot Papa i ri dhe ka marrë emrin Leoni XIV. Kreu i Partisë Demokratike Sali Berisha nga Shkodra ka uruar Papa Leon XIV për zgjedhjen e tij në krye të Kishës katolike.
Gjatë takimit përmbyllës nga Shkodra, në mes të fjalimit Berisha teksa uroi papën e ri tha: “Papë i ri u zgjodh një Donald Trump i ri në Vatikan”.
“Papë i ri u zgjodh një Donald Trump i ri në Vatikan. Papa Leo, një amerikan. Le ta urojmë. Le t’i urojmë jetë të gjatë dhe sukseset më të mëdha në udhëheqjen e Kishës Katolike. Ndaj dhe ne rikthehemi te qytetari, do rikthejmë paratë te ju”, ishte mesazhi i Berishës.
