Ish-kryeministri Sali Berisha i ftuar në “Tempora” nga Sonila Meço në Ora Neës, u pyet nëse kërkon falje për tragjedinë e Gërdecit dhe vrasjet më 21 janar.
Berisha nuk kërkon falje për Gërdecin pasi e cilëson atë një vrasje shtetërore pa dashje dhe për këtë banorët e gërdecit janë dëmshpërblyer. Përsa i përketë 21 janarit ish-kryeminitri refuzon të kërkoj falje, duke thënë se nuk ka dhënë urdhër për vrasjen e protestuesve.
Berisha: Një nga parimet më themelore që më frymëzon më shumë është Niçe, sipas të cilit njeriu duhet të tejkalojë veten çdo ditë. Ai ishte një i krishterë i bindur por kishte një problem me Krishtin që u kryqëzua. Që njeriu të tejkalojë veten çdo ditë, duhet me doemos të njohë gabimet e tij. Skemat piramidale i kam renditur si një nga gabimet më të mëdha. Për gabimet e tjera mund të bëjë një listë të përditshme. Nuk besoj unë tek e pagabueshmja. E konsideroj fatkeqësi më të madhe.
Kam shprehur keqardhjen më të madhe për Gërdecin. Kam shkuar nëpër shtëpi dhe e kam quajtur vrasjen shtetërore. Ajo është vrasje shtetërore pa dashje që do të thotë se shteti do të dëmshpërblejë njëlloj sikur e ka kryer vet krimin. Unë bëra gjithçka për t’i zhdëmtuar. Për sa i përket 21 janarit, në mënyrë absolute nuk ekziston një urdhër që të qëllohej mbi ndonjë protestues. Unë kam qëndruar në zyrë. Unë kam qëndruar në zyrë.
