Kryetari i PD-së Sali Berisha ka bërë një tjetër deklaratë të fortë në lidhje me zgjedhjet e fundit në Shqipëri, duke akuzuar qeverinë për manipulim elektoral, ndërsa ka paralajmëruar se opozita do të nisë një fazë të re veprimi politik dhe qytetar, atë të protestave.
“Pa asnjë mëdyshje do të nisim të gjitha format e domosdoshme të protestave në Shqipëri dhe në botë,” deklaroi Berisha. Sipas tij, vendi ndodhet në një situatë ku “farsa elektorale” duhet të zbardhet dhe dokumentohet plotësisht.
“Por kjo është faza e dokumentimit, verifikimit të të gjithë farsës elektorale që ka ndodhur në Shqipëri,” shtoi lideri historik i Partisë Demokratike, duke lënë të kuptohet se protestat do të pasojnë pas një periudhe mbledhjeje faktesh dhe provash.
