Teksa shumë figura brenda Partisë Demokratike u shprehën hapur për dorëheqjen e kryedemokratit Lulzim Basha, pas rezultatit të zgjedhjeve të 6 marsit, nënkryetarja Jorida Tabaku është drejtuar diskrete.
Në një lidhje skype për ‘News24’ Tabaku tha se nuk ka preferuar asnjëherë që diskutimet dhe qëndrimet e saj për PD t’i bëjë mediatike.
“E di që të gjithë qytetarët kanë interes për PD. S’kam preferuar që diskutimet e mia ti bëj mediatike. E kam ndjekur me shumë shqetësim, jo si person i jashtëm, por si vendimmarrëse në PD. Kam shprehur problemet që kanë ekzistuar, dhe kam ndarë mendimet e mia.
Sot qytetarët që protestojnë për çmimet e karburantit, dhe PD ka çuar në SPAK një listë me afera korruptive, vëmendjen duhet ta kremi atje. PD ka probleme, që do t’i kalojë. PD mendoj se duhet të jetë e fortë dhe mendoj se kundërshtari për ne është Edi Rama.
Ne duhet t’i flasim jo vetëm demokratëve, por përtej demokratëve, atyre që na votuan apo jo. Gjithë shtresës gri dhe ata që se shohin veten te PD. Për mua ka vetëm një kundërshtar që është Edi Rama, kam bërë opozitë ndaj tij.” -tha Tabaku.
