Ish kryeministri Sali Berisha ka thënë në një intervistë për ABC news se nëse baza e Partisë Demokratike do kërkonte largimin e Lulzim Bashës atëherë ai do ishte dakord.
Berisha ka shpjeguar se kërkesat e bazës merren parasysh me seriozitet qoftë edhe për rastet kur nuk janë dakord me drejtuesin e PD-së.
“Nëse do ta kërkonte baza, unë jam me bazën. Gjatë historisë 27-vjeçare të kësaj partie ka pasur debate gjithmonë. Nuk ka ngelur gjë që nuk është shkruajtur, por një nga historitë më të mrekullueshme është ajo e lëvizjes studentore dhe e themelimit të PD.”
Sipas tij Lulzim Basha është votuar nga baza për të qenë drejtuesi i PD-së, madje ka fituar garën edhe me kandidatin Eduart Selami.
Në lidhje me zgjedhjet, Berisha thotë se Basha bëri një fushatë të civilizuar, reale, politke. Por i qëndron akoma mendimit se Basha kishte këshilltarë mizerabël në zgjedhje.
“Të pavendosurve të PD-së, u bëri me pershtypje timoni i Ramës, i cili përdori koalicionin me Bashën pas fushatës së tij të shkëlqyer në Fier”.
Në lidhje me akuzat e lobimit, Berisha shprehet se nuk ka dijeni për financat e Partisë Demokratike.
“Le ta shqyrtojë KQZ me hollësinë më të madhe. Por banka e “madam Ramës” është ajo e regjistruara në parajsë fiskale. E rëndësishme është që të bëhet transparente origjina e parave dhe te mbahen përgjegjësitë”.
a.ç
