Juristja Brisida Gjikondi ka deklaruar se Berisha duhet të përballet me drejtësinë dhe të mos t’i shmanget asaj. Duke folur në emisionin ‘3D’ në RTSH 1, Gjikondi theksoi se Berisha ka qenë vetë iniciatori i heqjes së imunitetit të deputetëve në vitin 2012, ndërsa sot mbrohet pas imunitetit të deputetit.
ër këtë arsye, ajo vuri në dukje se Berisha duhej të sillej si burrë zakoni dhe të shkonte në dyert e Gjykatës së Posaçme.
“Më 6 gusht të vitit 2012 kur ishte kryeministër dhe ka depozituar në Parlamentin shqiptar projektligjin për të hequr imunitetin e të gjithë deputetëve dhe Rama nuk ra dakord, dhe nuk u votua. Berisha mbajti një fjalim emocional e pasionant duke treguar që Edi Rama nuk do që deputetët të jenë të barabartë me qytetarët. Jo vetëm por mori iniciativën të bëjë referendum që të gjithë deputetët të mos kishin imunitet”, tha Gjikondi.
Gjikondi vuri në dukje se Berisha është duke hedhur poshtë inciativën e tij kur ishte kryeministër në vitin 2012.
“Ky Berishë deri dje, sot sillet ndryshe, se Berisha bën si burrë zakonesh dhe Kanuni tregoi që ndryshe thotë dhe ndryshe hiqet sepse pikërisht tani ta injorante fare modelin e imunitetit, pavarësisht se ai e ka imunitetin dhe nuk hiqet imuniteti me gojë, por e ka Kushtetuta, të ofronte një model të një burrë shteti që të shkonte të përballej”, u shpreh më tej Gjikondi.
/a.r
