Analisti Arben Meçe në një intervistë në “Special Report” në ABC nënvizoi se ish-kryeministri Sali Berisha mori në kontroll të plotë KRT, në kohën kur ishte në pushtet. Ai shpjegoi se KRT fillimisht e kishte bashkia, por PD e ndryshoi kur erdhi në pushtet dhe se u kalua nga pushteti lokal, në atë qendror. Sa i përket dokumenteve të nxjerra nga ish-kryeministri Berisha, i cili akuzoi kryeministrin Edi Rama se ka vendosur firmën, Meçe sqaroi se dokumenti nuk është i miratuar dhe prodhuar nga Rama, por është i prodhuar dhe i miratuar nga ish-kryeministri Sali Berisha.
“Problemi është që në këtë periudhë ka pasur shumë debate mbi marrjen e kompetencave të pushtetit lokal në atë qendror. Lufta më madhe ka qenë kapja e Këshillit të Rregullimit të Territorit. Në KRT nuk kalon asnjë vendim që vjen drejtpërdrejt nga pushteti lokal sepse vetë procedura e ndryshimit dhe e marrjes së pushtetit lokal nga pushteti qëndron, në prapaskenë ka vetëm bllokimin. Ky pushtet qendror ka ushtruar presion në pushtetin lokal. Por tani sekretaria ishte dorë të pushteti lokal dhe KRT ishte në dorë të pushtetit qendror. Kjo ishte një shkelje e ligjit, kaq mjafton për t’i thënë Berishës që ke shkelur ligjin. Saliu tani thotë që vendimmarrja nuk është asgjë dhe përgatitja e dokumentit është baza.
Ky dokument nuk është i miratuar dhe prodhuar nga Rama, por është i prodhuar dhe i miratuar nga Sali Berisha sepse përbërje e KRT, vendimi i KRT thotë dhe firmos kryetari i KRT. Në 2006 KRT nuk ishte më e bashkisë, por ishte në shkelje kushtetuese. VKM që nxori Berisha është shkelje kushtetuese. Berisha sot për ndërhyrje të “Zogu i Zi”, u bë me një akt normativ të nxjerrë nga Berisha dhe u vlerësua nga pushteti lokal i kohës si ndërhyrje në autonominë.
Berisha sot lau duart për të thënë që nuk ka më asnjë hapësirë të ndërhyrjes së Berishës, por kjo është një gënjeshtër. Sepse nëse ky akt normativ kishte të bënte me “Zogun e Zi”, akti i dytë ishte marrje e kompetencës. Të thuash që nuk kisha hapësirë për ndërhyrje, dhe të nxjerrësh një dokument që e ke prodhuar vetë dhe të thuash që e ka bërë Edi Rama, kjo nuk është e drejtë.
Gjithashtu analisti Arben Meçe tha se Berisha është i penalizuar jo thjesht moralisht, por edhe penalisht. Duke shtuar se po shfrytëzon të gjitha mundësitë për të bërë viktimës, sepse miti Berisha ra, dhe tani po lufton për mitin e viktimës.
“Më 26 merret vendimi. Komunikimin besoj do ta mbajë, gjykata duhet t’i vendosë kushte që të ndërpresë komunikimin me publikun. Rasti është specifik pasi flitet për një politikan që do të kthejë tribunë, shtëpinë”, tha ndër të tjera ai”, tha ndër të tjera ai./m.j
