Ish Kryeministri Sali Berisha përmes një statusi në rrjetin social shkruan se është kërcënuar nga një mik i afërt i Edi Ramës. Berisha sqaron se kërcënuesi është “Beso i Tajvanit”, i cili, sipas demokratit, në emër të Ramës i ka shkruar atij këtë sms:
“Beso i Tajvanit jam. Po si ste vjen turp qe ke 15 vjet qe meresh me mua! Tani qe je deputet i thjeshte po e kuptoj qe e ke personale. Dhe une te garantoj qe do ta bej me shume se personale. Tani do me njofesh.”
Ish kryeministri sqaron se kërcënimi erdhi dy ditë pasi ka denoncuar koncensionin në parkingun nëntokësor tek Parku Rinia, i cili sipas Berishës është bërë nga Rama dhe personi që ka kërcënuar, për interesa përfitimi në mënyrë korruptive.
Ndërkohë, vetë lideri i demokratëve Lulzim Basha ka shkruar në rrjetin social, duke “kërcënuar” Kryeministrin Rama se ai so të mbahet përgjegjës personalisht, politikisht dhe ligjërisht për kërcënimin që i është bërë Berishës.
“Kercenimi mafioz i Sali Berishes nga Edi Rama permes benjiaminit te tij ne afera korruptive dhe trafikun e naftes e te droges, Beso i Tajvanit, pas denoncimit me fakte dhe prova te aferave korruptive qe lidhin bashke keta te dy prej 15 vitesh, eshte nje akt kriminal dhe shpallje e hapur lufte ndaj Partise Demokratike, cdo demokrati dhe demokrate dhe cdo shqiptari e shqiptare qe beson te transparenca, fjala e lire dhe barazia para ligjit. I bej me dije Edi Rames se Partia Demokratike e mban ate politikisht, ligjerisht dhe personalisht pergjegjes per kete kercenim mafioz dhe se pasojat e ketij akti do te bien personalisht mbi te dhe skoten e tij te banditeve dhe te korruptuarve me te cilet sundon Shqiperine edhe per pak kohe.”- shkruan Basha.
Statusi i Plotë i Sali Berishës
Edvin Kristaq Rama kercenon me fallangat e tij te krimit apo me “çorapen” e Partise!
Te dashur miq, dy dite me pare une denoncova grabitjen ne prag te Vitit te Ri nga Edivin Kristaq Rama te Parkut Rinia te Tiranes duke i dhene, ne kundershtim me cdo ligj, si koncesion Parkun per ndertimin e nje parkingu gjigand Besnikut te falimentuar apo siç thirret ne gjuhen e vllazerise “çorapja” se partise.
Pse une kam akuzuar direkt per kete vjedhje?Une kam akuzuar Ramët (Edvini dhe Olsin) se qendrojne pas Besit te falimentuar per keto arsye:
– ne te vertete ky koncesion ka nisur ne kohen kur Edi Rama ishte kryetar Bashkie dhe bleu me emrin e Besnikut apo “çorapes’ se Partise (e di ai vet se pse e therrasin edhe me kete nofke) mijera meter katror toke ne parkun Rinia me çmimin qesharak 12 leke metrin
-ditet e fundit te vitit qe kaloi, per te bere te mundur kete afere korruptive te tij, Edi Rama miratoi vendimin e qeverise per dhenien me koncesion privat parqet
-ne kundershtim flagrant me ligjin, Rama urdheroi qe si firme per koncesionin te perdoret firma e falimentuar e “corapes” se partise, me pasuri nen sekuestro per falimentim kurse i vellai i tij per droge
– ne kundershtim flagrant me ligjin Rama urdheroi qe koncesioni i parkut dhe parkingut te jepen me ligjin 2006 dhe jo me ligjin e vitit 2014 pasi me kete te fundit procedura nuk mbyllej dot siç u mbyll me dt 31 dhjetor.
Pas ketij statusi, Edi Rama urdheron fallangat e tij te krimit, pikerisht personin qe kur policia i arrestoi te vellane si megatrafikant Rama detyroi Saje qorrin t’u telefononte per ti siguruar se nuk e kishin nga ai arrestimin por nga SHISH dhe Prokuroria, te heqin çorapen nga koka dhe te nxjerrin ne shesh fytyren e vertet te Edi Rames, te kercenojne ne emer te tij sa vijon: “Beso i Tajvanit jam. Po si ste vjen turp qe ke 15 vjet qe meresh me mua! Tani qe je deputet i thjeshte po e kuptoj qe e ke personale. Dhe une te garantoj qe do ta bej me shume se personale. Tani do me njofesh.”
Me kete rast dua te garantoj Edvin Shullazin: kercenimet ne emer tend dhe te gjitha çorapeve, maskave, koskave mafjoze, trafikanteve, vraseve, pengmarresve te Shqiperise jo qe nuk do me pengojne kurre por vetem se me shtojne vullnetin tim te hekurt per te te denoncuar publikisht aferat tuaja te pista, lidhjet tuaja primitive me krimin dhe mafien.
Une kete nuk e bej kurre se ti je kundershtar politik por e bej se ti ke vjedhur keto 25 vite shqiptaret me shume se sa te gjithe zyrtaret shqiptar te marre se bashku.
Ti je kryeministri i vetem i planetit i njohur boterisht si Mr.20% kur ishe kryetar bashkie, kur u bere kryeminister detyrove ndertuesit dhe bashkite e mbare Shqiperise te te marrin firmen tende per cdo pallat mbi 4 katesh ne menyre qe te merrje jo hyrjet por katet e tua.
Te je kryeministri i vetem i planetit, qe i kapur nga importuesit e birres, sjell ne parlament ligjin per rritjen e akcizes se birres te prodhuar ne vend krahasuar me te importit, ti je kryeministri i vetem i planetit qe pasi une kam denoncuar dy vjet me pare implikimin direkt te Olsit tend ne industrine e bixhozit, ti sjell ne parlament ligjin e dhenies se monopolit te kesaj industrie, vetkuptohet per qellime familjare
Ne te gjitha aferat e pista te Beqeve te tu, ti je aksionisti kryesor ndaj dhe del ne çdo rast ne krah te tyre! Me kete rast dua te te them se je absolutisht i pashprese, drejtesia edhe vonon por ti dhe organizata jote kriminale nuk do ti shpetoni kurre asaj! sb
