Ish-kryeministri Sali Berisha ka bërë një deklaratë të fortë nga foltorja e Parlamentit e cila mund të tensinojë edhe më tej situatën mes shqiptarëve dhe serbëve. referuar situatës së fundit mes Kosovës dhe Serbisë, Berisha deklaroi se duhet të shkojmë në luftë nëse marrëveshjet dypalëshe nuk zbatohen. Sipas tij, kjo mbetet alternativa e vetme.
“Ose ato marrëveshje të zbatohen ose luftë nuk ka alternativë tjetër. Dialogu dhe marrëveshja Prishtinë -Beograd është jetike për paqen dhe stabilitetin por është një cështje që ka dy rruge ose dialog ose luftë. Ato marrëveshje duhet të konsolidojnë procesin e paqes dhe të lënë pas armiqësitë e së shkuarës. Në rast se xhelatët sulmojnë, shqiptarët duhet të bëjnë gjithçka të bëjnë cdo gjë, kudo ku jetojnë në treva e cdo pëllëmbë shqiptare”.
Referuar ngjarjes me trenin nacionalist serb, Berisha tha se Rama reagoi shumë vonë, duke shtuar se ai ka marrëveshje me homologun serb Vuçiç.
“Nuk kishte qëndrim më të turpshëm se ai i ekzekutivit shqiptar, në një moment që mund të shpërthente lufta. U fut nën jorgan dhe reagoi pas 24 orësh. Një diplomat i huaj më thoshte se ka mundësi të ketë një marrëveshje mes tij dhe Sandrit ( Duke pasur parasysh Aleksandër Vuçiç)”, tha Berisha.
I menjëhershëm ishte edhe reagimi i Ministrit të jashtëm Ditmir Bushati. Ai tha se Berisha bëhet nacionaslit sa herë i dalin probleme si ky i CEZ. Bushati i kujtoi edhe shkeljen e embargos së naftës për Serbinë dhe kontrabandën në kohën e luftës.
“Sa herë ka halle si ky problemi i CEZ-it, Berisha bëhet nacionalist si në 100-vjetorin e Pavarësisë. Për cilën të drejtë ndërkombëtarë flet Berisha për kontrabandën e naftës me Serbinë, apo embargon, apo për mënyrën si përfundoi marrëveshjen e detit, akt anti- kombëtar që ka bërë me Lulzim Bashën. Për cfarë lufte e ka fjalën për një tren elektoral në Serbi, që u menaxhua në qetësi të plotë nga ndërkombëtarët. Përsa i përket çështjes së murit dhe Kosovën flasin institucionet e saj, që janë legjitime” u shpreh Bushati./a.m.
