Kryetari i Partisë Demokratike, Sali Berisha, pas prezantimit të koalicionit opozitar “Aleanca për Shqipërinë Madhështore”, doli sot (10 mars) në një konferencë për gazetarët.
Ai ka përsëritur projektin e tij politik për të reformuar drejtësinë dhe në veçanti SPAK-un, por jo me votat e kryeministrit Edi Rama dhe PS-së, por me anën e Komisionit të Venecias.
Berisha tha se Rama i është lutur atij për bashkim votash me qëllim shkrirjen e SPAK dhe ishte informuar nëpërmjet kanaleve diplomatike për qëllimet e kreut të mazhorancës, duke e refuzuar.
“Nuk do i bashkoj votat me të në Parlament. Kemi shpallur reformën në drejtësi me ndihmën e Venecias. I llogariti gabim hesapet dhe doli duarbosh. Ka pasur përpjekje nën rrogoz për ta shkrirë SPAK-un ai. Ka pasur përpjekje, e kemi nga burime diplomatike, se donte të bashkonte votat me PD-në për të shkrirë SPAK. Ai më është lutur, por dështoi. T’i lutem unë atij? Jo! Ai më është lutur mua, por nuk e pranoj”, tha Berisha, teksa vetë ka prej më shumë se një viti hesape me SPAK-un për aferën në dosjen ‘Partizani’.
Në lidhje me Primarët e shumëkritikuara edhe nga strukturat brenda PD-së dhe hijet e dyshimit për manipulime, kreu i PD-së e mohoi, duke pranuar se korrigjime të listave për deputetë nga ato të Primareve do ketë, por do jenë të vogla, kurse Kryesia do vendosë.
“Do ketë korrigjime të listave, por ato i ka bërë anëtarësia. Kryetarët e qarqeve do jetë aty. Kryesia do vendosë. Nuk është përfunduar dhe diskutuar asnjë listë, e asnjë qarku, janë aty.
Listat do korrigjohen fare pak, i bën kryesia. Kryesia është ajo që vendos, do mblidhet ditën e nesërme”, përfundoi kreu i selisë blu.
Aleatët do kenë 8 vende deputetësh në listat e sigurta.
Protesta është mirëpritur nga të rinjtë dhe nxënësit. Qëllimi tiktakut është qëllim censure, akt brutal dhe arrogance. Të rinjtë nuk e pëlqejnë Edi Ramën, s’e duan, ndaj ai po e mbyll. Nuk e do ai TikTok-un. Protestë kundër censurës, e lidhur me TikTokun.
