Buxheti i vitit 2016 është buxheti i katastrofës. Kështu e ka cilësuar ish kryeministri Berisha buxhetin e qeverisë për vitin e ardhshëm, duke shtuar se Kryeministri Rama foli nën “efekt”.
“Më duhet tu them se nëse dy vite me radhë nga kjo platformë unë kam denoncuar buxhetin e gropës, kësaj here denoncoj buxhetin e katastrofës. Ju garantoj dhe do të jemi këtu çdo muaj para syve tuaj do të zhvillohet kjo katastrofë ekonomike në të cilën e zhyti kjo maxhorancë ekonominë shqiptare. Kemi të bëjmë me një buxhet katastrofe dhe me lumturorë që flasin nën efekt dhe efekt “deep”, jo tjetër. Kur kjo maxhorancë shndërron gënjeshtrat në shifra, shndërron grafiqet në gënjeshtra, shndërron të dhënat në falsifikime e mashtrime, shifrat i injoroni, i harroni, nuk operoni dot me to. Paraqiti një zinxhir të pafund orësh të gjata injorancën si argument. Dhe kur ti u servir të tjerëve injorancën si argument është një problem shumë madhor.” tha Berisha.
Berisha vijoi duke thënë se ekonomia ka rënë në duart e klientelës së udhëhequr nga Kryeministri Rama dhe deputeti Koço Kokëdhima. Sipas Berishës, sektori i ndërtimit ka rënë në kthetrat e interesave klienteliste të këtyre dy personave.
“Këta nuk bëjnë asgjë, dhe vijnë e krahasohen me mua. Më flasim për rrugët, për projekte që janë miratuar në kohën kur unë drejtoja. Investimet e huaja janë duke u larguar. Bankers, po përzihet nga Koco Kokëdhima. Ju nuk e dini sesa mizorë është ai (Rama) me bizneset e tjera, me ata që nuk njeh. Ligji që miratuat dje për pronën, është ligji për Koçon. A e dini ju mor zotëri që klientela do të ndërtojë në bregdet? Duhet të ndërtojë e më pas të shesë vilat klientela e Koços, më pas duhet të ndërtojë fshatari. Ky buxhet është buxheti i katastrofës, sepse ka bllokuar ndërtimin. Ata që do të ndërtojnë pallate mbi 4 kate, duhet të marrin firmën e Ramës. Ky është rasti më i turpshëm në botë. Ata që duan të ndërtojnë duhet t’i japin kate Ramës. Mbi katër katëshin fillon xhepi. Shko ti 8 kate, 3 kate duhet t’i lësh. Një front pune trashëguan, hidrocentralet. Ky u tha bankave mos kreditoni HEC-et. A ka krim më të madh se ky? “- tha Berisha.
Duke ju referuar indirekt 21 janarit, Ish kryeministri Berisha tha se qeveria Rama nuk i ka rritur rrogat e gardistëve sepse ata janë armiq të mazhorancës.
“Po rrogat pse nuk ua rrisin këtyre? Sepse janë të gardës armike. Urdhëri për të rritur rrogat e veta me 1 mln shpërblim, përjashton të gjitha isntitucionet e pavarura.”- tha Berisha.
