Gjykata Kushtetuese pas një seance maratonë, që ka nisur prej orës 10:00 të kësaj të enjteje pritet të shpallë vendimin në lidhje me ankimimin e Sali Berishës, i cili ka kërkuar që masën e parë “detyrim paraqitje” të vendosur nga Gjykata e Posaçme ta cilësojë si antikushtetuese.
Kjo çështje u komentua në “Tirana Live” nga juristja e njohur Brizida Gjikondi, e cila tha se Berisha e ka sulmuar gjatë gjithë kohës Gjykatën Kushtetuese.
Ajo shtoi se ky është modeli, i cili e përshkruan më së miri vizionin që ka opozita shqiptare. Ajo theksoi se Gjykata Kushtetuese nuk ka ndonjë arsye, që të ndryshojë masën e sigurisë që kishte dhënë Gjykata e Posaçme për Berishën, pasi ky i fundit nuk e ka respektuar atë.
Për juristen Gjikondi, një vendim tjetër, i cili do shkonte në favor të Berishës do ishte padiskutim një mesazh i keq që do përçonte drejtësia shqiptare.
“Berisha gjatë gjithë kohës ka sulmuar edhe gjykatën e Kushtetuese. Ka sulmuar kryetaren e Gjykatës Kushtetuese. Berisha I vetëdijshme për vendimin. Nuk ka respektuar vendimin e SPAK dhe GJKKO me detyrim paraqitje, siç po e depërtojnë Mediu dhe Kryemadhi dhe kjo ka bërë që ti jepet një masë më rënduese, për shkak se nuk e ka respektuar masën e parë. Janë njerëz pa kurajë dhe frikacakë. Do lënë në fuqi vendimet e mëparshme. Gjykata Kushtetuese nuk ka arsye të ndryshojë masën e marrë nga GJKKO. Ai do gjejë një armik me të cilin do merret. Masa mund të bëhet detyrim paraqitje, që Berisha të kishte hapësirë të merret me fushatën elektorale. Një vendim pro Berishës e dëmton shumë mesazhin që duhet të japë drejtësia”, tha ajo.
