Pas përfundimit të fjalës së Kryeministrit, Sali Berisha ka folur në aulën e parlamentit për situatën e drogës në vend, duke thënë se kanabisi do të jetë miniera e floririt për ISIS. Madje Berisha ka shtuar se shumë shpejt në Shqipëri do të vijnë trafikantë të rangut ndërkombëtar, përfshi dhe ISIS, për çështjen e trafikimit të kanabisit.
Berisha i ka bërë thirrje NATO-s dhe BE-së, që të marrin në analizë situatën e kanabisit në Shqipëri, pasi jo vetëm po cënohet siguria kombëtare e vendit, por edhe siguria e vendeve fshqinje.
“Rruga karshi parlamentit po ushtonte Edi Plehu, Edi Plehu…!
Do duhej ta rezonoja patjetër këtë fakt lidhur me aktin më të paturpshëm e më të paftyrë që do të bëjë ky parlament. Sot unë dua të jap alarmin, për të shprehur shqetësimin më të madh për dramën në të cilën është zhytur shqipëria. Sot siguria kombëtare është e kërcënuar më shumë se kurrë… Shqipëria është shndërruar në Kolumbinë e dikurshme, jo të sotme, të Europës. Kanabisi, arat e deputetëve dhe ministrave kanë mbuluar vendin. Asgjë, nuk kërcënon më sigurinë e këtij vendis sesa kanabisi.
I drejtohet Paulin Sterkajt, i cili flet nga vendi
Për shkak të kësaj situate, shko e mësoje lahutën atij ti, shko në Gonisht dhe mësoja lahutën atij ti dhe mos më ndërpre më mua.
Edhe një herë jap alarmin se kjo situatë është kërcënuese për sigurinë e vendit. I them BE-së, Aleancës së Kombeve, se ISIS do të ketë minierat e floririt në këtë vend përmes kanabisit!
U kalua nga mushkonjat e aeroporteve, nga aeroportet e trafiqeve ndërkombëtare. Edhe një herë ju them, kurrë nuk ka qenë më e kërcënuar siguria e vendit. Një vend anëtar i NATOS s’mund të bëhet kërcënim i vendeve të tjera aleate.
Dora e zezë e ISIS nuk ka asnjë pengesë. A e dini ju që po ndërtohen aerodrome të tjera për trafiqe kriminale?! Po po, do jua them unë juve!
Ju nuk fluturoni me presh mbrapa, por me para mbrapa.
Unë ju garantoj juve, që vitin tjetër, do të jetë viti i Lulkuqeve…i opiumit!!! A ju kujtohet ju kur dilte Enveriu dhe u thoshte njerëzve se na duhen lulkuqe për bimë medicinale? I nxirret nxënësit të mblidhnin lulkuqe. Kshu jeni dhe ju, por sot nuk jemi më vend i mbyllur, jemi një vend i hapur.
Në rast se nuk ndërhyet me urgjencë, ju garantoj se shumë shpejt, do të kemi këtu, një financues të madh ndërkombëtar, në rradhë të parë nga ISIS…se kështu thonin dikur, që nuk kishte mundësi që shqiptarët të luftonin për ISIS… por ja që ndodhi.
I bëj thirrje BE, KE, të shqyrtojnë në mënyrën më serioze, çështjen dramatike të drogës në këtë vend. Duhet ta dini se në Xibrakë, pas asaj ngarkesës ë fundit, edhe dy anije të tjera kanë hyrë në Shqipëri.“- tha Berisha./java/a.k
