Gazetari Fatos Mahmutaj në “Edicioni i Fundit” në ABC News komentoi mitingun përmbyllës të fushatës elektorale të Partisë Demokratike, këtë të premte në Tiranë.
Fillimisht gazetari u ndal te pretendimet për heqjen e non gratës së Berishës, duke thënë se në fjalën e tij përmbyllëse, në miting, LaCivita nuk e përmendi aspak çështjen e non gratës.
“Berisha gënjeshtrat nisi t’i besojë edhe vetë. Në fjalën e tij LaCivita në mitingun përmbyllës nuk e përmendi fare non gratën. Berisha e ka mbyllur ciklin politik. Amerikanëve nuk i duhet një njeri i korruptuar si Berisha”, tha ai.
Gjithashtu u ndal edhe tek një tjetër deklaratë e Lacivitës, i cili Berishën, kryeministër të 21 janarit, e quajti si njeriu që ka shpëtuar jetë.
Gazetari Fatos Mahmutaj tha se në këtë ditë të fundit të fushatës elektorale, deklarata të tilla janë të pritshme.
“Ishte dita e fundit e fushatës elektorale dhe fjalimet nuk kanë limit”, tha ai.
Më tej theksoi se shqiptarët në zgjedhjet e 11 majit nuk kanë alternativë më të mirë se Partia Socialiste.
