Gjatë ditës së sotme ish-kryeministri Sali Berisha publikoi një rrjetin social facebook një video, ku shfaqej një kamion që transportonte lëndë drusore në fshatin Polis të Librazhdit.
Ndryshe nga herët e tjera që informatori i Berishës është Qytetari Dixhital, këtë herë “qytetari dixhital” është dhëndri i tij, Jamarbër Malltezi, i cili akuzon Taulant Ballën si mbështetës të prerësve të pyjeve në atë zonë.
Por për të kuptuar se si është e vërteta u interesuam pranë Bashkisë së Librazhdit, e cila na vuri në dispoicion një kontratë, e cila është lidhur para 10 vitesh nga Ministria e Mjedisit, Pyjeve dhe Administrimtë Ujrave, kohë kur qeveria drejtohej nga Sali Berisha.
Kontrata mban numër protokolli 5480, datë 29.07.2013 dhe lënda është: Kontratë për shfrytëzimin e materialit drusor në këmbë në grupngastrat, pa rrugë autopyjore.
Ankandi thuhet në kontratë është kryer me datë 10.06.2013 “Për shitjen e lëndës drusore në këmbë”. Sipas kontratës e drejta për ndërtimin e rrugës në këmbim të kontratës ka qenë për kompaninë e shfrytëzimit dhe nuk është premtuar nga Taulant Balla siç pretendon Jamarbër Malltezi në videon e postuar në rrjetin social të ish-kryeministrit Sali Berisha.
Është e kuptueshme që vala e sulmeve të Sali Berishës, Lulzim Bashës dhe enturazhit të tij ndaj Kryetarit të Grupit Parlamentar të Partisë Socialiste, Taulant Balla ka të bëjë me prishjen e mimazhit të Ballës, sidomos pas vizitës së tij të fundit në Bundestagun gjerman, ku zhvilloi një sërë takimesh me deputetët e CDU për të lobuar për mbështetjen e Gjermanisë për nisjen e bisedimeve për antërësim të Shqipërisë me Bashkimin Europian. (Tema) /l.m
