Ish-Kryeministri Sali Berisha nuk njeh gjuhë tjetër veç asaj të akuzave. Këtë radhë, siç po ndodh shpesh kohët e fundit, ish-lideri i PD e ka të vështirë të pranojë rezultatin e zgjedhjeve vendore pa akuzuar dyshen Rama-Meta si fajtorë të asaj që ai e quan farsë zgjedhore.
Dhe në postimin e tij të fundit, Berisha shtron pretendimin se edhe Parlamenti Evropian ndan të njëjtin shqetësim. Teksa rendit disa prej zyrtarëve evropianë që sipas tij kanë deklaruar se zgjedhjet në Shqipëri nuk kishin standartin e kërkuar, Berisha bën edhe gafën e radhës.
Ish-kryeministri siç duket nuk e di ende mbiemrin e saktë të eurodeputetit Knut Fleckenstein. Këtij të fundit Berisha ia ndryshon mbiemrin në Flikenstein.
Megjithatë në lumin e akuzave që ish-kryeministri bën nga Facebook-u, shpesh bën gafa, pavarësisht se eurodeputeti e ka vizituar Shqipërinë në disa raste.
