Ish-kryeministri Sali Berisha ka pranuar për të parën herë se ngjarja e Gërdecit ishte një krim shtetëror, por kjo ka ndodhur pa dashje sipas tij. Berisha deklaroi në studion e “Top Story” përballë Sokol Ballës se qeveria e atëhershme mori të gjitha përgjegjësitë. Por, kjo deklaratë e Berishës duket se pranon edhe akuzat e të majtëve aso kohe në opozitës se kemi të bëjmë me një krim të pastër shtetëror.
“Gerdeci ishte padyshim nje krim shteteror, por i paqellimshem”, tha Berisha
Azem Hajdari
Ish-kryeministri Sali Berisha ka komentuar marrëdhëniet e tij me Azem Hajdarin. Në studion e “Top Story” përballë Sokol Ballës, ish-kryeminsitri u përgjigj në lidhje me zërat që flasin për përplasjet e shumta mes tij dhe Hajdarit. Berisha deklaron se ish-deputeti i ndjerë, udhëheqës i lëvizjes studentore, u largua nga jeta me marrëdhënie njerëzore me Berishën. Ai po ashtu i përjgigjet edhe zërave që flasin për qejfmbetje të hajdarit sa ishte në jetë, për aktin se Berisha nuk i besoi asnjë detyrë të rëndësishme.
“U nda nga jeta me marrëdhënien me njerëzore me Sali Berishën. Azemi ishte vullkan. Azemi ky ishte, por isht enë kuptimin e mirë të fjalës një kafshë politike. Një njeri me instikte politike të jashtëzakonshme. Dhe në këtë mes, kundërshtirat ishin një gjë shumë e zakonshme, por asnjëherë me një mbetje prapa ose akumulim. Ka qenë një za shumë i fortë në përcaktimin e kabinetit, Me sa di unë nuk ka pasur dëshirë të ishte në kabinet. Vetë zgjodhi të ishte kryetari i Komisionit të Sigurisë Kombëtare”, tha Berisha.
Akuzat nga ish-truproja Izet Haxhia:
Ish-kryeminsitri ka komentuar edhe akuzat që vijnë në drejtim të tij nga ish-truproja Izet Haxhia. Berisha shkruan se ai është dënuar për vrasje me dëshminë e Berishës. Ndërkohë, Berisha akuzon Ramën se nuk i’a çon Strasburgut dosjen e Haxhisë që të vijojë me sulmet.
“Ky është një vrasës i dënuar me dëshminë e Sali Berishës. A mund të citohet një vrasës, të cilit Edi Rama nuk i’a çon dosjen në Strasburg për të bërë këto deklarata që bën”, tha Berisha më tej.
21 Janari:
Ai komentoi edhe ngjarjet e 21 Janarit ku u vranë 4 protestues të asaj kohe teksa tha se rama kërkonte të mbante fjalim nga zyra e tij.
“Ai kërkonte të mbante fjalim nga zyra ime. Për asnjë arsye në botë nuk do ta lëshoja zyrën time. Por nëse Rama s’do të përmbahej, ai sot s’do të ishte më”, tha Berisha.
E shkuara në Partinë Komuniste:
Berisha komentoi edhe të shkuarën e tij në partinë e Punës së Shqipërisë. Ai tha se në ato momente, ky veprim ishte patriot, pasi flitej se Shqipëria do të pushtohej. Berisha deklaroi se nuk ka qenë kurrë i indokstrinuar, por ishte konformist.
“Un Isha konformist, nuk isha i indoktrinuar. Asnjë prej shokëve të mi nuk ishin të indoktrinuar. Anëtarësimi në Partinë e Punës ishte akt patriotik. Ishe koha kur u pushtua Çekia dhe u tha se radhën do ta kishte Shqipëria. U tha se Shqipëria do të pushtohej, unë nuk mund të pajtohesha”, tha Berisha.
