Enkelejd Alibeaj i është përgjigjur Sali Berishës, pasi ky i fundit sërish e akuzoi si shërbetor të Ramës. Pas deklaratave të Berishës, në emisionin “Open”, Alibeaj shkruan se ish-kryeministri gënjen sa herë ka një hall për të fshehur.
Sipas Alibeajt, hallet e Sali Berishës nuk janë hallet e shqiptarëve, por “janë hallet e pasurisë së familjes së tij biologjike non grata dhe jo ato të varfërisë që ka kapluar shqiptarët”
Reagimi i Alibeajt
Sali Berisha sa herë gënjen fsheh një hall të madh, të vetin ose të familjarëve të tij. Problemi është që për të zgjidhur këto halle nuk e ndihmoj dot as unë dhe as demokratët që ai i keqpërdor për interesat e tij personale.
Hallet e Sali Berishës nuk janë hallet e shqiptarëve. Janë hallet e pasurisë së familjes së tij biologjike non grata dhe jo ato të varfërisë që ka kapluar shqiptarët. Vetëm e vërteta mund ta ndihmojë Sali Berishën, që së paku të jetë në paqe me ndërgjegjen e vet. Por dhe ky duket mision i pamundur, njësoj si ai për të rrëzuar Edi Ramën duke përçarë demokratët. Sepse Sali Berisha dhe e vërteta, mesa duket, janë bërë dy rrugë që nuk do takohen më gjëkundi.
g.kosovari
