Sali Berisha ka hedhur akuza të forta ndaj Florenc Hoxhës për të cilin tha se ka parcela me kanabis në një fshat në Devoll.
Gjatë një interviste në ABC News, ish-kryeministri theksoi se Basha brenda selisë së PD-së është mbrojtur nga kriminelë dhe mercenarë.
“Ka përtej tyre që mbahen skllevër nga këta mercenarë që janë në selinë e PD-së ka të tjerë që janë të lidhur me krimin në Lulzim Bashën.
Numri i tyre ishin 25-30 vetë nuk kishte më shumë, ata janë shkëputur dhe prej disa kohësh jetojnë në bunker.
Ka brenda një ish–kryepolic bashkiak që është i lidhur me botën e trafiqeve, Florenc Hoxha ai është komandanti i Lulzim Bashës.
Florenc Hoxha ka parcela me kanabis në një fshat në Devoll, aty në atë fshat nuk ka asnjë banor të zonës por ka marrë vetëm disa njerëz nga Fushë-Kruja”, tha Sali Berisha.
Kujtojmë që ditën e sotme Lulzim Basha pas takimit me kryesinë vendosi për të përjashtuar përfundimisht Sali Berishën nga Partia Demokratike së bashku me 8 anëtarë të Komisionit të Rithemelimit./m.j
