Ish kryeministri Sali Berisha ka marrë fjalën sot në senca ku ka bërë një rezyme sipas tij, të 27 muajve të qeverisjes së majtë. Berisha i ka cilësuar reformat e qeverisë si ‘zinxhir i ligësirave dhë i të zezave që Edvin Kristaq Rama ka trazhëguar të gjithë urrejtjen atërore ndaj njerëzve’.
“Pas 27 muajve del qartë se premtimet e qeverisë nuk u mbajtën dhe Rama ishte thjeshtë një Nastradinit. Sot pas 27 muajve ju merrni korrentin me 27% më shtrenjtë sesa 27 muaj më parë. Sot, qytetarët nuk marrin rrogë të 13. Ata që besuan se legalizimet janë falas, marri një letër pa vlerë dhe prisni nga dita në ditë që të shpallen çmimet më të larta seç kanë qenë” – tha Berisha.
Deputeti demokrat tha se ‘Rama u betua për kockat e Enverit se shtëpitë pa legalizim nuk i prek dot kush’, por tha Berisha, ‘kanë shkatërruar 9 mijë biznese e shtëpi’.
Ndërkohë, Berisha tha se Rama ka vendosur krimin në piedestal. Ai u ndal te akciza e birrës vendase ku mori në mbrojtje biznesin privat.
“Ligji për akcizat për birrën venase, ju kujtuat se e kishte inatin me Irfanin. Por jo, nuk e kishte me të, harrojeni se e kishte me Irfanin. Atij ia kishin mbushur xhepat importuesit me euro. Birrat e prodhimit vendas janë të standardit ndërkombëtar, disa edhe më të mira. Po si mund t’ua bësh ti këtë prodhuesve vendas? Ua bën sepse ia mbushin xhepat importuesit” – tha ai.
