“Akti që ndërmerret kundër meje veçse më motivon shumë më tepër”. Kështu u shpreh ish-kryeministri Sali Berisha mbrëmjen e kësaj të enjteje në studion e “Opinion”. Në një kohë kur SPAK i është drejtuar Kuvendit me kërkesën për heqjen e imunitetit të tij, me qëllim caktimin e një mase më të ashpër se detyrimi i paraqitjes, Berisha thekson se i gjithë procesi ndaj tij është politik e se “kjo vetëm sa i shton motivin që të qëndrojë”. Thotë se nuk ka punuar e nuk punon për histori, ama shprehet se vetë historia i ka krijuar oportunitete shumë të veçanta.
Sali Berisha: Unë jam ky që jam, por që siç e shihni, nuk është faji im pse historia më krijon mua oportunitete shumë të veçanta.
Jonida Shehu: Atëherë thojeni me gojën plot që ju do jeni kandidati për kryeministër…
Sali Berisha: Nuk punoj për histori, dhe e vetmja meritë që i njoh vetes është se nuk punoj një ditë për histori. Por ama nëse mua më bëjnë tani pas rikthimit, që është një ekzotikë e rrallë në politikë, vjen problemi tani që barazohem me liderët e opozitës që vuajnë dënime politike, kjo vetëm se më shton motivin që të qëndroj.
Blendi Fevziu: Kjo është referencë në histori…
Sali Berisha: Jo nuk punoj për histori, punoj për shoqërinë shqiptare dhe kjo diktaturë do t’i ketë të shkurtra ditët.
I pyetur nga gazetarët në studio nëse do të kandidojë për kryeministër në zgjedhjet e 2025-s, Berisha tha: “Me vullnetin e shqiptarëve, pa asnjë mëdyshje.”
/f.s
Nese kjo qeveri eshte diktature ,po e jotja qe digjje redaksi ,rrihje dhe vidhje voitat dhe vrisje pa shkak ne bulevard cfar ishte ?
Je ne nje moshe relativisht te madhe dhe kjo e ka bere punen e saj qe Ti mos ta kuptosh se cila gje eshte me e mira per ti familjen tende dhe per opoziten. Ti po e shkaterron opoziten.
Eshte per te ardhur keq qe gjithe ata qe te rrethojne nuk te thone boll. Pavarsishte qe jane te bindur se ti nuk i shpie asgjekundi. Ardhja ne qeverisje me ty eshte e pamundur. Boll eshte boll.