Sali Berisha, kreu i Partisë Demokratike, i ftuar në studion e “Debat” nga Alba Alishani, në A2 CNN, zbuloi se ka nisur një lloj studimi për të nisur “lobimin për çështjen e Non Gratës”.
“Natyrisht, duhet të priten disa rrethana, sa të ndryshohet administrata e re amerikane. Kontakte kam patur dhe kam me administratën e re, por jo për lobimin. Unë po bëj një shqyrtim dhe sigurisht që do t’i drejtohem administratës së re. Njeriu i cili firmosi, është njeriu që nuk e meritonte kurrë atë post. Ishte i korruptuar dhe besoj që drejtësia amerikane do t’i japë ndëshkimin e merituar. Anthony Blinken u gjet nga Kongresi se ky zotëri ka thënë se Hunter Biden nuk ka patur kurrë laptop. Dhe shtonte se ai laptop ishte shpikje ruse. Doli se laptopi ishte i Hunter Biden. Në vend që të jepte dorëheqjen, Blinken vazhdoi si kryediplomat dhe manipulator, erdhi në Shqipëri një ditë para gjyqit të McGonigal, u tha shqiptarëve se Edi Rama ishte i jashtëzakonshëm si lider dhe nuk takoi asnjë lider nga opozita. Fakti që Donald Trump e konsideroi armik të brendshëm, nuk e mohoj që është një lehtësim për mua”, tha Berisha.
“Nuk e di se kur do ta filloj lobimin, para apo pas 11 majit. Unë do të gjej momentin e përshtatshëm, por kam siguri që “Non Grata” do të hiqet sepse nuk ka asnjë fakt, provë apo dokument. Kam besim të plotë që ai është akt politik i Ramës dhe Sorosit”, shtoi Berisha.
O cope mu.i.