Portieri i Lacios, Etrit Berisha dhe mbrojtësi i Napolit, Elseid Hysaj u ulën në sallën e konferencave përpara ndeshjes ndaj Austrisë me të njëjtën vendosmëri që shfaqin dhe sa herë luajnë në sallonin e madh të futbollit italian të Serisë A. Përpara është Austria por më pas ëshë Europiani. Nuk nënvlerësojmë askënd, jemi këtu për të treguar se nuk ndodhemi rastësisht.
Hysaj: Është e sigurtë që do të japim maksimumin si gjithmonë. Sipas mendimit tim nuk mund ta konsiderojmë njërën si ndeshje të vështirë dhe tjetrën si ndeshje të lehtë. Janë të githa skuadra të vështira pasi janë në formë. Jam i bindur se do të tregojmë që jemi një grup fantastik që po rritemi nga ndeshja në ndeshje. Të gjithë djemtë do të japin 100% e tyre në fushë”.
Berisha: Nga trajneri De Biasi kam besimin maksimal. Muaji Janar ishte një periudhë kur fillova të luaja edhe te Lazio, dhe ndihesha gjithmonë mirë. Vazhdova për disa kohë me këtë ecuri më pas kanë ardhur ato ndërrimet në ekip dhe në muajin Janar nuk e kam menduar asnjëherë largimin tim nga Lazio”.
Hysaj: Jemi kualifikuar në Europian dhe e meritojmë të jemi aty. Nuk do shkojmë për turizëm në Francë por për të treguar vlerat tona. Di përpiqemi të tregohemi në lartësinë e të gjitha skuadrave që kemi në grup ne, do të bëjmë më të mirën dhe në fund do të shofim rezultatet.
Berisha: Do të luajmë ndaj ekipeve më të forta se ato që kemi patur në eliminatore. Pastaj dihet edhe rëndësia e Europianit. Duam tu tregojmë edhe njëherë të gjithëve dhe sidomos tifozëve tanë që do të japim maksimumin dhe do të mundohemi të mos kthehemi në shtëpi pas vetëm 3 ndeshjeve të para në Francë.
Hysaj:Kundërshtarët tanë në grup janë të fortë të gjithë sidomos, Franca dhe Zvicra por dua të shtoj se kemi luajtur kundër tyre edhe në të kaluarën dhe tashmë kemi më shumë informacion rreth këtyre dy kombëtareve. Do të jetë më e lehtë për ne të luajmë ndaj këtyre ekipeve.
Të dy këta futbollistë kanë një të përbashkët. Berisha u konfirmua i padiskutueshëm në Norvegji-Shqipëri 0-1 në Mars të 2013-tës ndërkohë që atë ditë Hysaj bëri prezantimin në një ndeshje zyrtare. Që atë ditë jetë e Shqipërisë në futboll me këta lojtarë në bord ndryshoi.
