Juristja Brizida Gjikondi thotë se pavarësisht hileve që Sali Berisha po përdor, ish kryeminsitri do të paraqitet para organeve të drejtësisë, në lidhje me privatizimin e kompleksit Partizani, për të cilën akuzohet për korrupsion pasiv.
Në një intervistë për ABC News, Gjikondi u shpreh se Berisha është në dijeni të procesit, por nuk e pranon publikisht dhe kërkon që ta kthejë në një telenovelë.
Sipas Gjikondit, Berisha po bën diçka të shëmtuar, pasi nuk ka as mbështetje.
“Berisha është në dijeni. Edhe lojën që po bën së fundmi, është shumë qesharake. Berisha po bën të njëjtën lojë si Dritan Dajti, si Lulzim Basha, për Rrugën e Kombit. Ëshë për të ardhur keq. Ai duhet të paraqitet në SPAK si ndërtues i pallateve ku ka bashkëpunuar dhëndri i tij. Pavarësisht hileve që përdor, është një qytetar që duhet të zbatojë të gjitha procedurat ligjore. Berisha po e bën këtë për ta bërë si një telenovelë.
E gjitha kjo është në kuadër të verbërisë që i ka hedhur militantëve. Berishës i intereson që para militantëve të dalë si një burrë zakoni dhe që po ngre peshë njerëzit. Është e shëmtuar, nuk ka as mbështetje ndërkombëtare. Ka probleme me SHBA, Anglinë, asnjë nga Evropa nuk e qas për problemet e tij. E agravon situatën që të duket si martir, si hero. Ai, unë nuk ia kam besën. Edhe kur thotë fjalën besë, e përmend shpesh se nuk e ka. Unë nuk ia kam besën Berishës dhe nuk ka për të shkuar të hënën tjetër në SPAK”, theksoi ajo./m.j
