Për herë të parë në gjykatën e posaçme do të zhvillohet një proces gjyqësor ndaj një ish-kryeministri për akuzën e korrupsionit.
Gjykata e Posaçme vendosi të hënën pas 7 muajsh zvarritje që Sali Berisha te gjykohet për akuzën e korrupsionit të kryer ne bashkëpunim.
Avokati Idajet Beqiri shtoi se fakti që në dosje nuk ka akte të papërdorshme dhe është dërguar për gjykim, kjo do të thotë se është hapur rruga e burgut për Sali Berishën.
“Fakti që ka shkuar në gjyq tashmë, këta të Saliut që hidhen dhe gjejnë gjoja shekeje e gjëra me radhë. Fakti që i thonë që s’ka pavlefshmëri aktesh në prokurori, s’ka akte të papërdorshme, pra janë të sakta dhe pushim nuk ka të çështjes, kthim nuk ka, rrugën e dreqit drejt burgut Saliu e ka nisur sot”, theksoi Idajet Beqiri.
Avokati i ftuar në emisionin “Real Story” komentoi edhe akuzat e Berishës për Irena Gjokën, i cili deklaronte se gjyqtarja është e dënuar në Greqi.
Këto akuza tha avokati janë janë të pavërteta dhe sipas tij pretendimet e Berishës janë hedhur poshtë nga përgjigjja që ka marrë shteti shqiptar nga autoritetet greke në lidhje me gjyqtaren Gjoka.
“Të pandehur janë marrë nga prokuroria, SPAK i mori të pandehur dhe u akuzuan nga SPAK. Akuza e shtetit ishte që Sali Berisha ishte korrupsion.
Në këtë moment merret i pandehur, të komunikohet akuzat dhe pastaj njihesh me aktet dhe pastaj dërgohet çështja në gjyq dhe ai shkoi në gjykatë me akuzën e korrupsionit pasiv.
Gjykata mori masën e sigurimit këta tani i janë sulur Irena Gjokës, dhe thonë që masa e sigurimit që i është dhënë dhe veprimet e gjyqtares paraprake janë të pavlefshme se kjo paska qenë e dënuar.
E para njëherë, që nuk është e vërtetë, është një shpifej ordinere. Shpifje me dokumente.
Unë disponoj dokumentin që Ministria e Brendshme greke, në një dokument tepër sekret dhe përgjigjja për ministrinë e Drejtësisë, për KLP, për ILD erdhi përgjigjja tepër sekrete, që me këtë identitet është e pastër dhe s’kemi pasur probleme”, tha ai.
