Një 28-vjeçar shqiptar nga Kosova është mbytur në një lumë në Zvicër pasi po i ikte policisë, e cila po e ndiqte sepse kishte kryer një vjedhje.
Sipas medias zvicerane ‘Blick.ch’, 28-vjeçari kishte kryer një vjedhje në një apartament në Bellinzonese.
Ndërsa ikte nga policia, shqiptari u hodh në lumin Ticino dhe u mbyt. Trupi u gjet pak pas orës 10:00 të mëngjesit në Ponte Rossa në rrethin Galbisio, sipas policisë së Kantonit.
I mbyturi është një 28-vjeçar kosovar pa vendbanim të përhershëm. Policia e kantonit Ticino shkroi se ai ishte me precedent të mëparshëm penal dhe i ishte ndaluar hyrja në vend./m.j
