BERATI/ Gara për 7 mandate, kryesfida mes PS-LSI, kandidatët

Edhe Berati, ashtu si Kukësi, do të ketë një mandate më shumë në këto zgjedhje në krahasim me 2013. PS në këtë zonë zgjedhore ka një listë që kryesohet nga Blendi Klosi dhe në përbërje të saj janë emra të njohur si ministrja Ermonela Felaj apo ish kryebashkiaku i Beratit, Fadil Nasufi.

Ndërsa listën e PD-së e kryeson Eduard Halimi, ndërsa i dyti është Astrit Veliaj. Për çudinë e të gjithëve kandidati i tretë, Lefter Maliqi deklaroi tërheqjen nga lista e PD-së dhe u bashkua me PS-në. Por nëse PD merr tre mandate në Berat, Maliqi do ta gëzojë për katër vjet privilegjin e deputetit me votat e demokratëve, por i ulur në radhët e socialistëve.

Ndërsa lista e LSI-së kryesohet nga ish ministr i Drejtësisë, Nasip Naço dhe pas tij vijnë Gledjon Rehovica dhe Silva Caka.

PS ka ruajtur të njëjtin numër mandatesh 4, në dy zgjedhjet e fundit në këtë zonë. Ndërsa PD në 2009 ka pasur tre mandate, një prej të cilëve e humbi në zgjedhjet e 2013 në favor të LSI-së, e cila nga 1 mandat në 2009, i bëri 2 në 2013.

Kandidatët e LSI

1. Nasip Naço
2. Gledjon Rehovica
3. Silva Caka
4. Llambriola Misto

Kandidatët e PS

1. Blendi Klosi
2. Ermonela Valikaj
3. Adnor Shameti
4. Fadil Nasufi
5. Arben Konomi
6. Eugen Kallfani

Kandidatët e PD

1. Eduard Halimi
2. Astrit Veliaj
3. Lefter Maliqi
4. Bujar Hoxhaj