Mesditën e sotme një 46-vjeçare nga fshati Arrës në Urë-Vajgurore, ka tentuar t’i japë fund jetës, duke pirë helm. Nëna e dy fëmijëve është gjetur në gjendje agonie e shtrirë në mes të dhomës pa ndjenja nga familjarët e saj, të cilët e kanë transportuar me urgjencë drejt Spitalit Rajonal të Beratit.
46-vjeçarja mendohet të ketë pirë fostoksinë dhe gjendja e saj është e rëndë. Ajo po mbahet nën kujdesin e mjekëve në Repartin e Urgjencës të Spitalit të Beratit dhe në vijim të situatës së saj klinike, mjekët do të vendosin transportin e saj me ambulanca drejt Spitalit të Traumës në Tiranë.
Hateme Tafa, 46 vjeçe, banore e fshatit Arrëz në Urë-Vajgurore, është e martuar dhe ka dy fëmijë. Ende nuk dihen shkaqet që e kanë çuar gruan drejt vetëhelmimit, ndërkohë që nga ana e policisë konfirmohet se po punohet për zbardhjen e shkaqeve të kësaj ngjarjeje të rëndë brenda familjes./l.m
