Policia ka arrestuar një 37-vjeçar nga Berati pasi gjatë kontrollit të ushtruar në banesë iu gjetën dhe sekuestruan armë dhe drogë. Sipas policisë në banesën e Klodjan Latos u gjet një armë zjarri automatik, 250 fishekë, 4 krëhra dhe një sasi prej 250 gram kanabis.
“Nga një telefonat e marrë, jemi njoftuar se në banesën e shtetasit Klodjan Lato 37 vjeç është qëlluar me armë zjarri. Menjëherë shërbimet e policisë janë organizuar dhe kanë shkuar në vendngjarje,” shkruhet në njoftimin e policisë
Materialet i kaluan Prokurorisë pranë Gjykatës së shkallës së Parë Berat, në ngarkim të shtetasit Klodjan Lato për veprat penale, “Prishja e qetësisë publike”, ”Prodhimi dhe shitja e lëndëve narkotikëve”, ”Prodhimi dhe mbajtja pa leje e armëve luftarake dhe municionit” dhe “Prodhimi dhe mbajtja pa leje e armëve të ftohta”, parashikuar nga nenet, 274, 283, 278 dhe 279 të Kodit Penal.
ma.me
