Kryetari i Partisë Demokratike, Lulzim Basha, ka deklaruar nga Berati se asgjë dhe askush nuk mund t’a ndalë vrullin e fitores së 21 qershorit, pasi ajo është fitorja e çdo qytetari që kërkon punë dhe dinjitet.
Entuziazmin, shpresa dhe zëri i fitores ndjehet kudo, tha Basha, pasi sot të majtë e të djathtë po vuajnë nga keqqeverisja e dyshes Rama – Meta.
“Edi Rama do të bëjë ishull. O piktor njerëzit duan punë, duan bukë, duan të ardhme, duan shpresë! Mbaje ishullin për vete se në ishull ke dy vjet që jeton, se po të mos jetoje në ishull do të dëgjoje zërin e njerëzve këtu që rënkojnë nga varfëria që është rritur se u ke rritur taksat, se po të mos jetoje në ishull do të bëjë diçka në vend që të grindeshe nga mëngjesi deri në darkë dhe të shaje e të merrje nëpër gojë opozitën, do të punoje për të krijuar vende pune siç premtove. Jeton në ishull nuk ke nevojë për ishull tjetër, e dinë socialistët e Beratit se në çfarë ishulli jeton ti që pasi i shite çdo drejtori organizatës kriminale që quhet LSI do të shesësh edhe Bashkinë”, tha Basha.
