Banorët e fshatit Hingë, në njësinë administrative Poshnjë, në Bashkinë e Urës Vajgurore kanë protestuar sot për investimin që po bëhet në rrugën e fshatit, e cila ka ngelur në mes. Investimi i rrugës në hyrje të fshatit dhe ka vijuar rreth 200 metra dhe me pas ka ngelur e papërfunduar.
Banorët që kishin pritur prej vitesh investimin shprehen të irrituar se bashkia e ka lënë në mes investimin për ta vijuar më pas për shkak të zgjedhjeve vendore të ardhshme. Janë rreth 2 mijë banorë të këtij fshati, të cilet preken nga kjo rrugë, e cila 2 km ka ngelur pa u shtruar dhe vetëm 300 metra janë asfaltuar. Pjesa tjetër e rrugës, është në gjendje skandaloze gjithë gropa, gjë e cila bën që prodhimet e pasura të zonës në sera, fruta, kryesisht agrume të dalin me mjaft vështirësi në treg.
Banorët shprehen se nga bashkia kanë mësuar se për këtë rrugë kaq ishte parashikuar për këtë vit, ndërkohë që ata shprehen se nese investimi nuk do të përfshi gjithë rrugën e fshatit do t’i përshkallëzojnë protestat e tyre.
ma.me
