Me kerkese te Prokurorise se Beratit, gjykata ka vendosur masën e sigurisë “arrest në burg” për ish-kryetarin e Degës Doganore Berat dhe tre doganiere në detyrë, të dyshuar për vepren penale të “Kontrabandes nga punonjesit që lidhen me veprimtarine doganore. Bëhet fjalë për Evis Plakun, ish-drejtorin e Doganës, Akion Hysi, doganier regjimi, Arben Ulaj, anëtar i grupit te kontrollit si dhe Dhame Xhamballo, doganier i vlerësimit.
Keta persona dyshohet se kanë favorizuar një subjekt privat për t’iu shmangur detyrimeve doganore në vlerën rreth 40 milionë lekë të reja, në disa praktika importi në vitin 2014. Prokuroria e Beratit e nisi hetimin në bazë të kallezimit të Kontrolli të Lartë të Shtetit. Nga hetimi i Prokurorise rezultoi se ish-kryetari i deges Doganore dhe grupi i kontrollit kane kryer veprime fiktive mbi subjektin “Center Shqiptare”, i cili kishte objekt importim dhe prodhim produkte letre. Nga kontrolli rutinor i realizuar mbi kete subjekt, grupi i kontrollit i ka nxjerre nje detyrim doganor ne vleren 1.4 milione leke te reja. Pak kohe pas ketij kontrolli lokal, nje grup kontrolli nga Drejtoria e Pergjithshme e Doganave realizoi nje audit ne Berat, ku shqyrtoi edhe praktiken e subjektit “Center Shqiptare”. Auditi i Drejtorise se Pergjithshme percaktoi se detyrimi doganor i ketij subjekti ishte disa here me i larte, rreth 140 milione leke te reja, dhe per kete arsye kerkoi rivleresimin e situates nga grupi i Doganes Berat, i cili kishte ushtruar kontrollin mbi kete subjekt. Ky grup kontrolli ushtroi serish kontroll dhe e nxorri detyrimin e subjektit privat rreth 4 milione leke te reja, pra serish shume here me te vogel se sa ishte parashikuar nga auditi i Drejtorise se Pergjithshme te Doganave. Pas ketij rivleresimi, kryetari i deges Doganore Berat e regjistroi ne sistemin e brendshem se subjekti privat nuk kishte me detyrime.
Ne vitin 2015, Kontrolli i Larte i Shtetit ushtron nje kontroll mbi doganen e Beratit, ne te cilin konstatohet se kjo dege nuk iu eshte permbajtur detyrave te lena nga auditi i Drejtorise se Pergjithshme, gje e cila ka sjelle dem te konsiderueshem ndaj financave te shtetit. KLSH dorezon kallezim penal ne Prokurorine e Beratit, e cila zhvilloi hetimet.
Deri ne kete faze te hetimit, ne baze edhe te aktit te ekspertimit, Prokuroria e Beratit ka krijuar dyshime te arsyeshme se demi i shkaktuar shtetit per shkak te veprimeve te punonjesve te doganes Berat, llogaritet ne vleren e rreth 40 milione leke te reja. Vendimi i gjykates eshte ekzekutuar gjate te shtunes nga ana e forcave te Policise Vendore, Berat.
BW/d.i.
