Ministri i Shëndetësisë, Ilir Beqaj, në një prononcim për mediat ka dhënë sqarime sot në lidhje me vendimin e gjykatës për të pushuar cështjen, që vetë ministri Beqaj ka ngritur ndaj kryetarit te PD-se, Lulzim Basha.
Ministri Beqaj ka paditur Partinë Demokratike për shpifje, pas deklaratave të vazhdueshme të kësaj të fundit në lidhje me korrupsionin në shëndetësi.
Ministri Beqaj ka shpjeguar se “Nuk eshte e vertete qe jam terhequr nga padia ndaj Lulzim Bashës. I bëj thirrje të mos i bëjë bisht drejtësisë me precedura, sic ka vite që është mësuar të bëjë. Ndërkohë që sot gjykata sot ka dhënë një vendim skandaloz, duke thënë që nuk kemi qënë prezent si palë, ndërkohë që në kemi qënë prezent në gjykatë në orën e caktuar. Për këtë gje, së pari do kemi një ankim procedurial për pushimin e padrejtë të cështjes dhe Lulzim Bashën e siguroj, që brenda javës do të këtë një padi të re”, u shpreh Beqaj.
Ai shtoi se “Unë nuk kam asgjë me qytetarin Lulzim Basha, por e kam me kryetarin e Partisë Demokratike, i cili e ka për detyrë minimale ndaj opinionit publik qe të provojë sado minimalisht akuzat që ka bërë publikisht ndaj meje”.
