Ilir Beqaj deklaron se nuk do të lejohet asnjë abuzim me barnat e rimbursueshme. Ministri është shprehur se i mbështet hetimet e prokurorisë dhe vënien para përgjegjësisë së autorëve. Beqaj tha se do të bëhet e gjithë transparenca e duhur rreth rastit më të fundit, ku në pranga përfunduan 9 persona. Me qëllim luftën kundër abuzimeve, ministri tha se do të futen në përdorim recetat elektronike, duke nisur me qytetin e Durrësit.
“Kemi ulur çmimet e barnave janë 30 % më lirë. Kemi futur më shumë ilaçe në listën e rimbursimit. Nga skema e abuzimit kompanitë e ilaçeve patën ulje të fitimeve. Kjo ndodhi pasi kompanitë përdoren recetat fiktive. Ne si ministri mbështesim hetimet derisa të gjithë përgjegjësit të dalin para drejtësisë. Të marrim masa konkrete që ajo që ndodhi të mos përsëritet më”,tha ministri.
