Ministri i Shëndetësisë, Ilir Beqaj replikoi me demokratët në Kuvend për koncesionet në shëndetësi, aq shumë të përfolura.
Beqaj tha se sistemi shëndetësor po ndryshon në të mirë të qytetarëve, ndërsa shtoi se që tani 165 mijë zonja që duhet të paguanin nëse kishin nevojë për shërbim shëndetësor, e kanë falas mjekun e familjes.
“Që nga dje mjeku i familjes është falas për këdo që jeton në Shqipëri. Ju iu ofronit vetëm 2.3 milionë shqiptarëve’.
“Ky është shërbim publik, dy mundësi jep ligji, detyrimet që ka shteti ia kalon privatit si rasti i hemodializës. Nuk kushton 35 euro, ka tarifën më të ulët në Ballkan, po në kohën tuaj ishte 90 euro? E keni vjedhur ju diferencën? Për kontrollin bazë ne besojmë se sfida që kemi është parandalimi dhe kontrolli i hershëm”, tha Beqaj.
“Vijmë tek instrumentet e sterilizuar, thatë që është marrë një kredi. Po ju pse e dhatë me koncesion terminalin e portit të Durrësit”, shtoi më tej Beqaj.
Ministri tha ndër të tjera se në shëndetësi ajo që është urgjente, ka të bëjë me përmirësimin radikal në shërbimet që ofrohen.
Ndërsa duke folur për barnat, Beqaj iu tha demokratëve: “I keni borxh çdo vit shqiptarëve 100 milionë, të paktën keni filluar që nga 2008 kur keni miratuar TVSH e barnave. I mashtruat shqiptarët, ju rritët çmimin e barnave”.
BW
