Ambasadorja kineze në Shqipëri Jiang Yu në një takim me ministrin e Shëndetësisë, Ilir Beqaj vlerësoi pozitivisht shpirtin profesional të personelit mjekësor shqiptar dhe modernizimin e pajisjeve mjekësore dhe përmirësimin e vazhdueshëm të kushteve shëndetësore.
Ambasadorja Jiang u shpreh se këtë vit, Ministria e Shëndetësisë e Shqipërisë ka bashkërenduar pozitivisht punët e ndihmës në rastet e plagosjes së inxhinierëve dhe teknikëve kinezë pjesëmarrës në projekte të ndryshme në Shqipëri, duke treguar një shpirt humanitar. Pala kineze shpreh falënderimin e vet të sinqertë për këtë ndihmë.
Jiang u shpreh se Kina dëshiron forcimin e shkëmbimeve me Shqipërinë, mësimin nga përvoja e njëri-tjetrit dhe konceptet e përparuara mjekësore, duke ngritur më tej nivelin e sigurisë shëndetësore.
Ministri shqiptar i Shëndetësisë Ilir Beqaj e njohu ambasadoren Jiang me sistemin e shëndetësisë në Shqipëri dhe masat emergjente të trajtimit të aksidenteve të papritura.
Beqaj u shpreh se Ministria e Shëndetësisë e Shqipërisë i kushton vëmendje të madhe forcimit të aftësisë së ekipeve mjekësore dhe përmirësimit të kushteve shëndetësore, me qëllim e ofrimit të shërbimeve më cilësore për qytetarët shqiptarë dhe ata të huaj në Shqipëri.
Pala shqiptare është e gatshme për nxitjen e shkëmbimeve me palën kineze në fushën e shëndetësisë dhe për rritjen e nivelit të shëndetit publik.
