Deputeti i PS Ilir Beqaj ka sulmuar kreun e PD Lulzim Basha nga foltorja e Kuvendit teksa i ka kujtuar mënyrën se si jepeshin lejet e ndëtimit kur ai ishte kryebashkiak i Tiranës.
Beqaj e ka akuzuar Bashën se dikur lejet jepeshin duke kaluar nga kunati i tij. Sipas Beqajt, procedurat për lejet dhe liçensat sot janë thjeshtuar dhe përgjigja nuk vonon më shumë se 30 ditë.
“Përtej çfarë ka ndodhur me lejet dhe liçensat, kërkesat do të bëhen vetëm online dhe afati i dhënies së përgjigjes do të jetë jo më shumë se 30 ditë. Autorizime të tilla të lëshuara nga jashtë vendit, do të njihen. Qeveria duhet përgëzuar. Kushdo që kërkon një shërbim, mund t’i jepet informacioni disa herë. Ky proces ka sjellë në qendrën kombëtare të biznesit, nga 111 fletore, janë 38. 1 fletore një vendim, një një ligj, një një udhëzim.
Janë hequr 45% prej lejeve. Janë eliminuar rreth gjysma. Kjo është një përpjekje për një mjedis sa më miqësor. Të dhënat e ekonomisë janë pozitive. Në janar pati një rritje të eksporteve 20% krahasuar me 2018. Opozita ka bërë sulm frontal dhe sontazhet tregojnë se ata bëjnë përpjekje të dëshpëruara për të krijuar situatë depresive.
Dihet botërisht se para 3 vitesh, lejet i jepte vetëm kunati. Të mërzitesh që nuk i jep më ai, nuk është e hijshme për dikë që dëshiron të jetë Kryeministër. Çdo leje ndërtimi të dhënë i dihet zhvilluese, projektuesi etj.
Ligji i sotëm është miratuar para 9 vitesh. Duhet të mbajmë hapin e botës së zhvilluar që këto lehtësime i ka bërë që para 15 vitesh. Na duhet me çdo kusht të ecim me hapin e kohës.”/a.m.
