Hapet gara publike për investimin e 770 mijë eurove për rikonstruksionin e poliklinikave Peshkopi dhe Gjirokastër, e cila pritet të sjellë një shërbim më cilësor për pacientët që do t’i drejtohen shërbimit të kujdesit Parësor.
“Me fondin prej 770 mijë eurosh, do të bëhet i mundur rikonstruktioni me themel i këtyre poliklinikave, i cili do të pasohet nga një ndërhyrje e dytë, me pajisjet me aparatura modern e bashkëkohore mjekësore.
Në këtë mënyrë, mbajmë premtimmet për zgjerimin dhe përmirësimin cilësor të kujdesit shëndetësor, duke siguruar jo vetëm Mbulim Universal, por edhe Cilësi dhe Akses Universal për qytetarët shqiptarë në çdo qytet e fshat, e në çdo skaj të vendit.
Sigurisht, që këto investime janë një hap tjetër drejt zgjerimit dhe përmirësimit cilësor të kujdesit shëndetësor në vend. Por sigurisht, që kemi ende mjaft për të bërë!
Ne besojmë se jemi në drejtimin e duhur për t’iu garantuar qytetarëve tanë jo vetëm Mbulim Universal me kujdes shëndetësor, por të sigurojmë që ky mbulim për gjithëkënd, të shoqërohet me Akses dhe me Cilësi Universale, që do të thotë, ta marrin shërbimin cilësor sa më pranë vendbanimit të tyre.”- shprehet Beqaj në rrjetin e tij social.
