Divjaka ka dy qendra shëndetësore me shërbim 24 orë për pushuesit. Minsitri i Shëndetësisë Ilir Beqaj shkruan në Facebook se gjatë sezonit veror, është shtuar personeli mjekësor për t’i ardhur në ndihmë pushuesve. Sipas Beqajt, njëra prej këtyre qendrave është përuruar vetëm pak muaj më parë dhe ka në dispozicion paisjet më modern.
Statusi i ministrit Beqaj:
Dy qendra shëndetësore, ku njëra prej tyre e përuruar vetëm disa muaj më parë është nga poliklinikat më moderne në vend, me pajisje bashkëkohore të standardeve europiane dhe shërbim të plotë 24 orë, janë në funksion të pushuesve të cilët frekuentojnë Divjakën.
Edhe në plazhin e Divjakës, ashtu si edhe vitin e kaluar, e zgjerojmë shërbimin shëndetësor duke e kthyer në 24 orë në 7 ditë të javës, pasi kemi shtuar edhe personelin mjekësor. Në qendrën e ngritur posaçërisht për sezonin turistik punojnë me kohë të plotë tre mjekë dhe tre infermierë që nga 15 Qershori, duke ndihmuar për mbarëvajtjen e sezonit turistik.
Mjekët e QSH-së pohojnë se çdo ditë përballen me 30 raste urgjencash, ku ato më të komplikuarat, nëpërmjet shërbimit të autoambulancës, nisen drejt Spitalit Rajonal të Lushnjës pas shërbimt të marrë në qendrën shëndetësore në Divjakë.
#PunaVazhdon #NdryshimeReale #TurizëmCilësorDheISigurt
