Ministri i Shëndetësisë Ilir Beqaj i ka kthyer përgjigje deputetes së PD-së Mimoza Hajdarmataj, e cila ditën e djeshme ka vizituar Tropojën nga ku ka bërë thirrje se nuk ka ilaçe e vaksina për qytetarët. Beqaj është shprehur se që prej dhjetorit të vitit të shkuar në të 6 njësitë administrative është kryer furnizimi për 3 muaj, pra deri në fund të shkurtit.
Postimi i Beqaj:
Deputetes së Partisë Demokratike i kujtojmë se Qendrat Shëndetësore të gjashtë njësive administrative: Bytyç, Tropojë, Lekbibaj, Bujan, Margegaj dhe Fierzë të Tropojës janë furnizuar javën e parë të dhjetorit 2016 me barnat dhe materialet mjekësore për një periudhe tre-mujore, deri në fund të të shkurtit 2017.
Është dimri i tretë radhazi që kryhet ky furnzim.
Nuk ka ndodhur asnjëherë më parë, që nga viti 1991 e deri në vitin 2013!
Tropoja eshte furnizuar me 250 doza vaksinash antigrip, nga të cilat deri ditën e mërkurë janë përdorur nga banorët 65 vaksina.
Është e vërtetë që pika shëndetësore e Dragobisë ka dalë jashtë fuksionit gjatë përmbytjeve të mëdha të para dy muajve, por stina e dimrti nuk e lejon rindërtimin e plotë të saj.
Kujdesi shëndetësor në Tropojë dhe në Qendrat Shëndetësore ka një përmirësim të ndjeshëm në këto tre vjet. Këtë e pohojnë me gojën plotë qytetarët e Tropojës, por nuk ka si ta dijnë ata që jetojnë në Tiranë e bëjnë sikur u dhimbsen tropojanët./java/a.k
