Drejtori i Zyrës së Kosovës në Qeverinë e Serbisë Marko Gjuriç, ka deklaruar se autoritet e Prishtinës “po e mbysin dialogun” duke mos e zbatuar e Marrëveshjen e Brukselit e cila parasheh themelimin AKS-së. Ai ka thënë se Beogradi nuk pranon “shfaqjet cirkuse” dhe kërkon pa zvarritje zbatimin e asaj për të cilën ka marrëveshje. “Serbia nuk do të heqë dorë nga ajo që është nënshkruar, dhe, nëse dikush e mendon këtë, mashtrohet. Nëse Gjykata Kushtetuese e Prishtinës është masë për Prishtinën, ajo për ne nuk është e tillë. Ne nuk jemi marrë vesh me Gjykatën Kushtetuese në Prishtinë, ne jemi marrë vesh me të zgjedhurit e përfaqësuesve të shqiptarëve të Kosovës”, ka thënë Gjuriç për Tanjug, transmeton Koha.net.
Ai ka saktësuar se me përfaqësuesit e Kosovës mund të flitet vetëm se si Prishtina të bartë më shumë kompetenca për AKS-në (Asociacionin e Komunave serbe) se sa që është paraparë me vetë marrëveshjen. Gjuriç ka theksuar se kjo marrëveshje jep mundësi që edhe kompetenca të tjera të barten tek AKS.
