Tre makina janë përfshirë në një aksident pasditen e sotme në aksin e vjetër Mamurras-Fushë Krujë në lagjen “Demokracia”.
Të plagosur janë mbetur dy nga drejtuesit e makinave, të cilët janë dërguar për ndihmë në spitalin e Traumës në Tiranë, si pasojë e plagëve që kanë marrë.
Makina tip “Benz” me ngjyrë gri në tentativë për të parakaluar “Golf”-in ka goditur “Benz”-in ngjyrë blu që drejtohej nga një grua.
Aksidenti ka shkaktuar edhe bllokim të trafikut për disa minuta, ndërsa policia ndodhet në vendin e ngjarjes.
