Një grua ka mbetur e plagosur si pasojë e një aksidenti automobilistik. Mësohet se ngjarja e rëndë ka ndodhur pasditen e sotme në aksin Vlorë-Fier, pranë mbikalimit të Novoselës.
Konkretisht ka qenë një mjet i llojit “Mercedez Benz” që ka ecur mbrapsht dhe është përplasur nga një tjetër makinë. Ndërsa një mjet i tretë ka devijuar për të shmangur përplasjen me dy makinat e aksidentuara dhe ka përfunduar jashtë rruge.
E plagosura është dërguar në spital, por nuk dihen ende detaje në lidhje me gjendjen e saj shëndetësore. Dëmet materiale si pasojë e këtij aksidenti raportohet të jenë të shumta.
