Policia italiane ka arrestuar tre persona për trafik droge, pasi iu gjetën 7 kilogramë kokainë të cilën e kishin fshehur në pjesën e parë dhe në pjesën e pasme të sedilen së shoferit.
Grupi i trafikut të kokainës përbëhej nga një 67 vjeçar dhe një çift 28-vjeçari italian, si dhe një vajzë shqiptare 26 vjeçe. Të tre personat ranë në duart e policisë pas denoncimeve të qytetarëve për lëvizje të dyshimta në rrugët e Firences. Karabinierët kryen hetime më të thelluara, duke gjetur edhe drogën.
Hetimet e mëvonshme bënë të mundur gjetjen e gati 1000 eurove cash, që mendohen që kanë ardhur nga aktiviteti i paligjshëm, telefona celularë dhe ora luksoze; të gjitha të vendosura në sekuestro.
Tre të arrestuarit u dërguan në burgun Solliçiano në Firence. Në përfundim të seancës gjyqtari hetues ka vendosur masën e sigurisë arrest me burg për 67-vjeçarin, arrest shtëpie për 28-vjeçarin ndërsa vajza është lënë e lirë. SOT
