Policia italiane ka shkatërruar një bandë shqiptare duke vënë në pranga 3 persona, ndërsa 16 të tjerë janë në kërkim.
Edhe pse të mitur, banda e djemve shqiptarë me emrin “Hellbanianz” (ferri shqiptar) janë përgjegjës për një sërë krimesh të rënda të kryera në zonën Tigullio, në Liguria.
Ata dyshohen si autorë të 20 episodeve te dhunshëm si grabitje, vjedhje, zhvatje, plagosje, rrahje, ngacmime etj..
Banda përdorte edhe rrjetet sociale për të kapur viktimat, të cilat më pas i kërcënonin për t’i zhvatur. Tre të arrestuarit u transferuan në burgun e të miturve në Piemontez.
Ndër episodet më të rënda është vjedhja e një të riu në një tren, i cili u rrah në mënyrë barbare, ndërsa video e momentit u regjistrua me celular.
Videot i postonin në rrjetet sociale.
Gjatë kontrollit, iu gjetën dhe sekuestruan dy armë lodër, imazhet e të cilave u postuan në profile të ndryshme sociale të djemve si dhe u sekuestruan video të shumta të përleshjeve dhe sulmeve.
g.kosovari
