Në një intervistë për mediat greke ministri i Mbrojtjes, Panos Kamenos ka komentuar për herë të parë publikimin e fotove të ushtarëve në Greqi me simbolin e shqiponjës. Panos ka kërkuar nisjen e një hetimi të thelluar për këtë çështje dhe ndëshkimin e shtatë ushtarëve që shfaqen në foto.
Për zbardhjen e rrethanave ka nisur hetim Gjykata Ushtarake në Janinë, e cila pritet të hedhë dritë mbi atë që ka ndodhur një kampin ushtarak në Missolonghi. Ministri urdhëroi hetimin dhe identifikimin e përgjegjësve në kampin ushtarak.
“Kam kërkuar marrjen e masave disiplinore, administrative dhe kriminale për përgjegjësit”, tha ministri duke folur për televizionet greke.
“Është diçka e krijuar nga nacionalistët shqiptarë për të dëmtuar marrëdhëniet me Greqinë. Një fenomen i tillë është i papranueshëm për Forcat e Armatosura”.
Por pavarësisht kësaj, shtatë ushtarët nuk rrezikojnë asnjë dënimi pasi nuk kanë kryer ende betimin dhe në bazë të Kodit Kriminal Ushtarak ata nuk kanë bërë asnjë shkelje. /ma.me
